موال الاب - حاتم العراقي يجسد فيه حقيقة الاب المثالي بتمني ينال اعجابكم

[b
هذا موال عراقي عجيب
اتمنى ينال اعجابكم
يالله ما بطول عليكم


مــــــوال الابــــــــ



كنا صغار نقعد وقت الغروب
بباب الدار ننطر جيت ابونا
يرجع مبتسم بس وجهه متعوب
ومن يشوفنـــــــــا يضحكن عيونه
يجي محمل ابونا اشكال والوان
وتظل تلوم بيه امنا الحنونه
تعبك هذا تعبك لا يبو فلان
تتعب والصغار يضيعونه
لكن يبتسم ودموعه بالعين
ويقل لامي التعب يستاهلونه
دول حزام ظهري بساعة الضيق
ولك بالشدة يام فلان عونه
ابونا بدنيته ما يوم مرتاح
الدنيا وياه صعبة وما يملها
عنده المهب يبتعب واحنا نرتاح
وابد منية احد ما قبلها
ويرجع ظهره محني وجفنه تعبان
وتتلقاه امي ويضحك الها
وقبل ما توصله وتسلم عليه الله يساعدج هو يقل لها

ابونا من المصايب يحمل جبال ولا يحمل عتب عتب امي وزعلها
تعب جاه وعطش ما بلغ الراس
ولا رخص رقبته ومره ذلها
اصلب رجل بينه بمحنته يكون
واصعب مشكله بيده يحلها
بس اضعف رجل بالعائلة يصير
اذا امي المرض مرة وصلها
امي شقد تحبة شقد تداريه
مدللها الكبير وهو خلها
بس لو غضب مرة ولما يندار
ترجف خوف لما ينظر لها


ابونا على جتافه صغار وكبار
لعبنا سنين ما تعبه نمتونه
يلبسنا حرير وهو محروم
وقميصة من التعب مقلوب لونه
واذكر لولعبنا الوالدة تصيح
ابوكم نايم ولا تفززونه
بدون الابو كل العائلة تضيع
ولا تصفى ولا يلتم شملها
هو البيت كله وكشخة الدار
وشمعتها وضواها وكل اهلها
علمنا الولد عونه له بالضيق
ومحبة اهلك ترى تموت لاجلها
وجيرانك اعز من اختك تصير
واغلى من نظر عينك خجلها
الله موصى بيه باقدس كتاب
بالقران وامه ويا جعلها
يارضا الله ورضا الوالدين
وميزات الابوعون الوصلها
تقي ويخاف ربه بيوم الحساب
ويحمده على اللقمة الاكلها
احتضن امه وابوه سنين وسنين
وجفوفه شمع ضواها جلها
نظل نعلق العشرة للوالد شموع
مثل ماله لكل شمعة شعلها

لحد هاليوم نصدق منك نخاف
ونجل لاسمك يوالدنا ونصونه
يهنياله اليسعدك واليرضيك
برضاك الجنة ندخلها يبونا

مشكوووووووووووور عالموضوع الحلو متك

والله انه موضوع تستاهل عليه الف الف تحية مني الك مشكـــــــــــــــــــــــــــــــــــــــــــــــــــــــــــــور